DAG 2

Det er permisjonsdag nummer to og det er 20 dagar igjen til termindagen er her. Kva skal eg klare å fylle 20 dagar med? Tjue heile dagar. Det gjeld å spara på oppgavene skjønnar eg :)

Idag har eg gjort ingenting då, hehe, det blir nok nokre slike dagar og. Trøtt er eit ord som beskriv meg godt no, helst kunne eg sikkert sove heile dagen, hadde det ikkje vore at det er så himla ubehageleg å liggje for tida :P

Delvis for å ha noko å gjera på og delvis i eit lite forsøk på å ta tilbake kontrollen over blodsukkeret mitt baka eg knekkebrøda mine igjen igår. Hadde heilt gløymt kor gode dei er. Nam. Det gjeld å starta dagen med ein god frukost som ikkje gir blodsukkeret oppsving, så blir dagen bra - det seier jordmor :) Dei siste vekene har eg nemlig vore så hekta på vaniljeyoghurt med crusli oppi og har starta dagen med dette, ei rein sukkerbombe - som igjen har resultert i at eg overspis resten av dagen, ikkje bra. Dei siste dagane har eg derimot starta dagen med ein litt sunnare frukost i form av knekkebrød med godt pålegg og litt frukt, merkar stor skilnad allereie.

Herleg!!! :)

Thomas reiv opp litt meir av golvet i gangen igår han, medan eg baka. Den eine pusen fulgte så spent med, det var heilt morosamt. I ein evighet berre satt ho der og var som i transe, tydelegvis spanande når matfar jobbar :P

Kvalitetstid mellom Flushy og matfar <3 

Så vanvittig søøøøøt :) 

PERMISJONSDAG NR:1

God dag alle saman! Det er min første permisjonsdag idag, ganske rart, men og fint. Vakna tidleg som vanleg og har hatt ein fin dag så langt. Spaserte bort til butikken ein tur, rydda litt i heimen og kosa mykje med pusane, og snart får eg besøk av ei venninne :)

Det at eg går så mykje heime for tida har ein tendens til å gå utover Thomas, når han kjem heim fra jobb har eg som regel alltid funne på noko me kan gjera i huset, og sidan eg ikkje fungerar optimalt så er det sjølvsagt han som fysisk må gjer det, hihi. Igår var intet unntak og prosjektet foregjekk i gangavdelinga.

Tanken har slått meg, meir og meir jo nærmare baby me kjem, at me ikkje har plass til barnevogna i gangen. Det kjem til å bli eit irritasjonsmoment på sikt, det er eg sikker på. Så etter å ha tenkt på dette i lang tid fann eg endeleg løysinga her om dagen. Ideen starta å forme seg då me for nokre veker sidan hadde eit aldri så lite straumbrot her heime, all straumen vår forsvann klokka ni ein laurdagskveld. Sikringskapet vårt heng jo i gangen, den ytterste, og rundt den er det bygga eit skap, sikkert veldig praktisk, men skapet går heilt ned i golvet og me brukar det ikkje til noko som helst. Så eg fekk Thomas til å sage det i to eg. Bort med det.

Sjølv synes eg det vart veldig bra. Eg er framleis litt usikker på om vogna får plass der, døra vår slår jo innover. Men me kan iallfall nytta plassen til noko og det er jo bra :) Det beste med dette er at det var heilt gratis og, alt me trong av utstyr og material hadde me liggjande her heime, og eg er heilt imponert over guten (som vanleg), han får det jo til og.

Framleis mangler me litt listverk, det skal og malast på veggen og i neste veke skal me leggje noko nytt golv (det kostar oss litt då, ca 300 kr). Eg skal leggja ut nye bilete når det er heilt ferdig, men eg ville berre vise kor bra det vart!

FØR: Slik såg det ut, sikringskapet er i øvste del av skapet, nedre del er berre tom.

ETTER: Og slik ser det ut no. Me har brukt den plata me skar av som vegg, det går røyr med ledningar i opp frå kjellaren, så det er framleis ei lita "kasse" her. Men det blei veldig bra. Ser det ut som det er rom for ei vogn her? :) 

AVVENNING

Det var ein forvirra pus som skulle legge seg oppi "kattesenga" si idag, og vart møtt med ei plate. Prøvde å snika seg gjennom sprinklane, men det gjekk sjølvsagt ikkje :) Det er på tide å visa dei at vugga ikkje var meint for dei, det samme har me gjort med babysenga oppe på soverommet, dei har ikkje vore like ivrige på den då, og ikkje har dei like stor tilgong på den heller, men dersom eg reiar opp senga så tenkjer eg ho tidsnok vert populær:)

Imorgon er siste arbeidsdag i 2013, rart!

TIDA STÅR STILLE

Det kjenns iallfall slik ut! Eg lurar på kor seint dei neste tre vekene kjem til å gå? Hehe, skal innrømme eg startar å bli LITT utolmodig no. Alle gler seg jo sånn til dei tre siste vekene før termin, for då kan dei slappe av, sove mykje å gjer alle dei siste førebuingane før den vetle kjem, men sidan eg har vore delvis sjukemeld dei siste månadane kan eg ikkje sei at eg gler meg nemneverdig mykje til å ikkje ha noko som helst å gjera på i tre veker.

Det går jo an å håpe på at mini kjem litt før tida :)

For å få denne dagen til å gå så har eg ommøblert soverommet, og gjesterommet (med hjelp sjølvsagt). Så no er det klart til at eg kan byrje på vaskinga når permisjonen startar. Eg har høyrt at husarbeid kan hjelpa på å starte fødselen, så eg planlegg å gjer så mykje av det som eg greier framover. Vaska heile soverommet vårt står mellom anna på planen, så har eg mykje babygreier som skal vaskast i form av sengety og klede, tepper og kommodar. Det gler eg meg masse til å starte på.

No er det middagstid her i heimen, heimelaga lapskaus står på menyen idag, eg har prøvd å lage nok til at me kan ha restar imorgon. Nam. Alltid greit å ha ein lettvint middag på mandagar, mandagar er nemleg alltid litt tunge :)

God sundag til alle!

Forandra litt på kva kommodar som står framme :)

Pusane er sjølvsagt med, og babysenga er på plass.

Eit litt rotete kleshjørna, alltid kjekt å endre litt på :)

Og så eit lite bilete av meg med magen min. Gler meg til å finne ut om det er ein gut eller ei jente som skjuler seg her :P

HELG

Idag er eg så trøtt, dette på grunn av at eg inatt vart liggande å kikke på TV altfor lenge. Sånn går det. Den siste tida har eg sett på ein serie fra 90-talet, den er på heile 10 sesongar og kvar sesong har omlag 24 episodar som kvar varar i 40 minutt. Det er nokre timar det altså. Inatt såg eg ferdig dei fire siste episodane og eg greide ikkje legga meg før eg hadde sett alt.

Så då vart ikkje denne dagen så veldig effektiv som eg hadde planlagt, hehe. Men eg må jo spare på litt av "oppgåvene" til permisjonen startar og, eg kjem jo til å kjeda meg ihjel dei siste vekene. Litt har me uansett fått gjort då. Thomas har måka snø, mala feieluka på loftet, satt nokre spiker i ein kommode me er så heldig at me har fått låna, støvsuga ståva og vaska inni dusjen. Flinke guten. Sjølv kan eg ikkje skryte på meg like mykje, men eg har rydda litt i bilen min (medan eg lufta pusane), vaska nokre maskinar med klede,  å rydda og vaska litt på kjøkkenet. Då sa bekkenet fullstendig stopp og det var berre til å finna sofaen att :)

Ellers undrer eg meg om me må kjøpe ny vugge til babyen, den me har fått låna er jo stadig okkupert av to søte pusar, hehe. Korleis skal eg formidla til dei at det eigentleg ikkje er ei katteseng, men ei babyseng? Eg har jo så lyst å gjera den "babyklar" og, men det er jo ikkje noko poeng i det dersom pusane legg seg oppi der heile tida, då må jo alt vaskast på nytt likevel. Kanskje eg skal høyre om Thomas har ei plate eg kan legge over ei lita stund? Det er jo ikkje som om desse pusane våre ikkje har nok av andre stader dei kan ligga, men det er jo alltid kjekkast med dei plassane som er "of limits" :)

Dei er jo så søte der dei ligg og, eg greier ikkje å flytta dei heller :P

FRIDAY, I`M IN LOVE

Det er fredag igjen, min favorittdag. Tenk, dette er den siste fredagen som symboliserer helg for meg dette året, resten av 2013 blir berre fylt opp med fridagar. Rart. To dagar igjen med arbeid, så er det permisjon på denne jenta.

Idag har eg latt meg sjølv ha fri, heilt fri. Det einaste eg har gjort er å lufta kattane ein times tid, eg vart med dei ut idag, lærte leksa mi på onsdag kan de sei. Heldigvis ingen skumle nabokattar i sikte, så det gjekk fint! Ellers har eg berre slappa av, for det meste oppe i senga, hehe. Vel, folk seier eg må sova no medan eg framleis kan, og det aktar eg og å gjera :)

Ellers har Thomas diska opp ein betre middag her ikveld beståande av biff, ovnsbakte grønnsaker og saus til. Namnam. Så no sitt me her med fyr i peisen, kvarvår kosepus i fanget og Homeland på skjermen. Ah, nemnde eg at fredag er favorittdagen? :)

Imorgon har me litt forskjellig på planen, mykje småting å finne på i heimen. Så berre følg med!

I mellomtida sleng eg med eit bilete av den stadig voksande magen <3

Thomas leiker hobbyfotograf :) 36 veker!

NÆR DØDEN OPPLEVING

Idag var det nummeret før me berre hadde éin katt, og ikkje to lenger. Eg har jo vorte litt rausare med å sleppa dei ut i det siste, det har jo gått så fint. Og no når det er minusgrader ute så orkar eg ikkje stå ute med dei heller, så eg berre opnar døra eg, og slepp dei ut.

Dei kosar seg jo sånn ute.

I det siste så har nokre av nabokattane fått med seg at det er to nye pusar i området, men det har gått heilt fint, heilt til idag. Når kattane er ute så går eg stort sett fra vindauga til vindauga for å halde auge med dei, men eg ser dei sjeldan. Så går eg avogtil opp i trappeoppgangen og kikkar, for der ser eg litt meir, og synet som møtte meg idag var altså Flushy i toppen av eit tre i naboen sin hage, eit av dei trea som heng ut i hovudvegen. På bakken trygt inne i hagen sitt ein av dei store, skumle nabokattane som går under namnet "gatas skrekk" her i huset.

Nemnde eg at Thomas akkurat var kjørt inn til byen?

Så det var berre meg her heime. Lettare panisk hiv eg på meg støvlar og spring ut i minusgradene, utan jakke sjølvsagt. Men kva skal eg bidra med? Eg får iallfall jaga bort "gatas skrekk", men eg kan ikkje klatre opp i treet, og Flushy greier ikkje å komme seg ned. Så der står me. Etter å ha ringt uttalige gonger til Thomas utan å få svar kom eg på at eg kunne ringe naboen, så eg gjorde det og heldogvis var dei heime og kunne komme ned. Så då gjekk nabojenta ned i vegen i fall katten skulle ramle ned medan me andre stod i hagen og lurte på kva me skulle gjera, og så skjer det, katten ramlar, ned i vegen. Men det gjekk bra, utruleg nok. Me fekk tak i ho, forskremd som ho var og fekk ho trygt inn i huset igjen, heilt uskadd.

Eg trur kattane får vera inne imåro.

NÅR MUSA ER BORTE...

Dansar kattane på bordet! Hehe, dette er synet som møtte meg då eg kom heim frå jobb idag:)

PROSJEKT LOFT

Hei alle saman! Idag har me via dagen vår til loftet, og prøvd å lage det litt koseleg til der oppe. I samband med at det snart kjem ein ny verdensborger i Nygjerdet 10 må me jo gjer det klart for mykje besøk her hos oss. Hurra!

Me har jo allereie to gjestesenger, så det er eigentleg god plass for overnatting her, men dei ligg begge veldig tett innpå vårt soverom, og med ein baby kan det muligens bli litt forstyrrande for gjestene våre, så då fann me det best å ordne med eit tilbod på loftet også. Det er jo viktig at gjestene trivst på besøk her hos oss, og at dei får venleiksøvnen sin, ikkje minst.

Her i veka var me ute på IKEA og fekk tak i ei gjesteseng, eit lite nattbord, teppe og ei leselampe. Det er jo rimeleg på IKEA, og litt salg så det blei ikkje så dyrt, heldigvis. Sidan det er mørkt når Thomas kjem heim frå jobb så fann me det best å vente til idag med å starte på prosjektet, sjølv om me begge eigentleg klødde i fingrane etter å setje igong sporenstraks, ivrig sa du? 

Vel, me starta med å rydde der oppe, det er jo eigentleg eit roteloft. Heldigvis er det tre ganske store lagringsrom slik at det ikkje er noko problem å gøyme vekk rotet, så det gjekk veldig greit. Så er det ikkje akkurat ofte at eg er der oppe å svinger vaskekosten, så det måtte også til. Så var det berre å skru opp varene, og IKEA er jo super på brukarmanualar, hehe, men til slutt fekk me det til og det vart kjempebra. Me er iallfall kjempenøgde og Thomas hadde nesten litt lyst at me skulle verta uvenner slik at han kunne liggje der oppe, hehe, men så heldig er han ikkje :)

Opp denne trappa skjuler det seg ein fjerde etasje i huset vårt.

Eit råloft.

Mannen flytter på material som me lagrar her oppe.

Her ligg nokre lampar frå då huset var originalt, dei skal snart bli hengt opp att.

Ei luke frå Laxevaags Værk. 

Frøken vaskar :)

Det blei ganske kosleg.

Pusane er sjølvsagt med, alltid :)

Kven vil vel ikkje overnatte her?

MANDAG FOR 35. GONG

Dette er babyen sin 35. mandag (eller 33. sånn egentlig) og eg er stolt som ei høne(mor).  Var ein tur hos legen idag og alt står veldig bra til med både mor og born, det er det me likar å høyre.

Eg auka sjukemeldingsgraden min til heile 70 prosent, så det er ikkje mangen timane eg skal jobbe no før permisjonen startar. Rart. Det er liksom berre to veker igjen.

Ellers har det vore ein fin dag idag, etter legetimen var det opp ein tur på jobb før det bar heim til dei beste pusekattane. Så har me hatt besøk av eit vennepar ikveld, og det var SÅ kjekt. <3

No er eg straks på veg i seng, guten har faktisk lagt seg før meg idag, det må vera første gong. Ny arbeidsdag imorgon så det er best å vera litt opplagt, no jobbar eg jo berre tre halve dagar i veka, så eg kan jo sove litt frampå om det skulle vera nødvendig. Heldige meg :)

Alle seier ein må nyta den siste tida og sova mykje, men det er ikkje berre lett i praksis, for no kan eg jo sova mykje og slappa av, og då betyr det ikkje så mykje som det gjer når ein ikkje kan lenger. Det er sånn med oss mennesker, me er aldri nøgd med akkurat det ein har medan ein har det. Enten så angrar me på ting me ikkje gjorde, eller tid me ikkje nytta riktig, eller så ventar me på ting som skal skje, slik som eg gjer no.

Vente, vente, vente....

Life is what happens while you`re busy making other plans :)

GOD STEMNING!

Å, det er skikkeleg herleg med helg igjen, laurdagsføremiddag og me kosar oss. Dagen idag starta med at me berre slang i oss litt frukost før me satte oss i bilen og suste inn mot sentrum. Eg skulle igrunn berre bytte nokre bøker for min bror, men det er godt å få det gjort. Samtidig så fekk eg lurt meg inn i ein barneutstyrsbutikk som eg har ønskja å besøke ei stund no, og der hadde dei så mykje fint. Det er så kjekt å kikke på alle dei fine tinga, og eg gler meg til me veit om dette er ein gut eller ei jente slik at me kan kjøpe litt meir.

Etter byen kjørte me opp til Bønes og besøkte dei kommande oldeforeldra, mamma og pappa er i Bergen i helga så då fekk me truffe dei og. Dei hadde med seg "basen" som høyrer til bilstolen som babyen skal ha, så får me sjå då om me greier å festa den i bilen, kanskje eit prosjekt for imorgon? Me får sjå. Det er jo enda 39 dagar til termin (full nedtelling her i heimen) så me har jo god tid :)

Apropos 39 dagar, det vil sei at eg no kan kalla meg høggravid, om ikkje det er ei milepæl i svangerskapet, så veit ikkje eg! Å, det er så spanande :D

No har me akkurat hatt pusane ute ei lita stund, det er ganske kaldt i Bergen om dagen, så dei vil ikkje ver ute så lenge. Me nyttar den lave temperaturen til å fyre litt i peisen og tenne litt stearinlys, no gjeld det berre å finne fram boka, litt kakao og så berre lene seg tilbake.

Det er god stemning i Nygjerdet 10 :)

SUNDAG

Det er sundag igjen, enda ei veke er over. Dei siste dagane har det gått mykje i skisport her i heimen, så kjekt når Hoppveka og Tour de Ski går samtidig, i tillegg har det jo vore skiskyting å følgje med på. Då blir det ikkje tid til så veldig mykje anna.

Det har vore varmt her og dei siste par dagane, så idag har Thomas nytta høvet til å gå ut og endeleg gjer ferdig taket på uteboden, han hadde litt fuging og sånn småplukk igjen, men no er han ferdig. Medan han var ute tok han eit overblikk på bilane våre og, sjekka litt olje og sånne ting, dei burde jo få seg ein vask og etterkvart, men det får bli ein anna dag!

Ellers held me på å venne kattane til å vera ute, det går ganske bra, men dei likar seg ikkje ute om ikkje me er med dei. Søtingane. Det hender nemleg at me slepp dei ut litt før me sjølv er klare, og når me kjem etter så sitt dei stort sett på trappa og ser litt forvirra ut, men når me kjem så spring dei vidare å leiker. Den grå pusen er skikkeleg vågal og klatrar i trea og går på utsida av gjerdene som går ned mot hovedvegen, eg skal innrømma eg går med hjartet i halsen når eg ser det, men eg må jo bare la dei gjera som dei vil, det går jo bra.

Etter mine rekningar er dei snart fem månadar gamle no, og det seiast at dei kan steriliserast ved ein seks månadars alder, så planen vår er eigentleg å ta det i løpet av dei 14 dagane Thomas har barselspermisjon etter at babyen er komen, kanskje ikkje kjempepraktisk, men det går nok bra! Det skal bli godt å få det overstått slik at eg kan slappa litt meir av med tanke på å sleppa dei ut meir.

Flinke guten min, endeleg er han ferdig med å balansera oppå her!

Litt utsiktsbileter.

Elskar denne utsikta her, gler meg til våren kjem :)

33+5

Den første veka i 2013 har igrunn vore roleg. Eg har kun hatt ein arbeidsdag denne veka, og den var ikkje heil eingong, men etter to veker med ferie var det tungt nok igrunn, greit med ein mjuk start.

Sidan det ikkje skjer så mykje i huset om dagen så tar eg ein liten oppdatering på babyen istaden eg, sikkert nokon som lurar på korleis det går og:P

Idag er eg 33 veker og 5 dagar på veg i svangerskapet, eller sju og ein halv månad for dei som føretrekk å telle på den måten, så no er det verkeleg ikkje lenge igjen før den vene babyen vår kjem (seks veker og fire dagar til termindato). Som me gler oss.

Formen er stort sett bra for tida, men eg merkar at magen er stor no, eg må ha litt hjelp til å knyte sko og denslags. Også er eg svolten, stort sett heile tida, men eg prøver å halde meg til faste måltid likevel og det går stort sett greit. Ellers er det bekkenet og halsbrannen som er det verste av "plager", men det går heilt fint. Litt må ein jo rekna med og eg trur eigentleg eg har hatt eit veldig fint svangerskap eg.

Jamnt med liv er det og, men ikkje plagsomt eller vondt på nokon måte, og babyen hikkar fleire gonger om dagen no. Hikking er gøy, det likar "mor", det er liksom eit tryggleiksteikn :)

På tirsdag skal me faktisk på kurs i samband med fødsel, det er slik som alle "må" på i desse dagar. Sjølv skulle eg gjerne helst latt det vera, men ein får vel gjer det ein får beskjed om. Nok eit teikn på at det nærmar seg er det iallfall, så får ein håpa at det ikkje blir noko panikkanfall i kjølvatnet av det. :P

Så får ein vel slenga med eit bilete, tatt idag. :)

HADET TIL JULA

Det er andre dagen i Januar idag, og akkurat eit år sidan me overtok dette flotte huset! Å, eg hugsar kor nervøs eg var, og ikkje minst opprømt, og glad. Så mykje som har skjedd på eit år og no er me plutseleg i 2013.

Dagen har eg brukt på å rydde vekk jula, så utruleg herleg. No er eg skikkeleg klar for kvardagen igjen. Gler meg til å gå på jobb att imorgon, og om berre fire små veker er det tid for permisjon og eg skal vera vekke frå jobben i eit heilt år. Rart. Men eg gler meg og, ikkje til å vera vekke frå jobben sjølvsagt, men alt det andre som skal skje.

Eg har lufta pusane litt og idag, det må til. Dei har blitt vane med at dei får lufta seg litt kvar dag no, så dei sett seg til med døra når dei kjenner seg rastlause nok og då er det ingen bøn, ut med oss! Idag var me ute i omlag ein time, det er så kjekt å sjå kor mykje dei kosar seg, eg gler meg skikkeleg til me får sterilisert dei så dei kan få gå ute litt meir. Men for no får me halda oss til litt lett lufting ein halvtimes tid om dagen. Førebels virkar dei nøgde med det :)

Er det nokon av de som har nokre føresett for det nye året? Ifjor hadde eg to:

1. Slutte heilt å røyke - Check, har holdt meg 100% unna i heile 2012 :D
2. Fortsette å ete sunt og å trene regelmessig - Det greide eg på ingen måte. Eg prøvde lenge, men måtte berre gi opp tilslutt. Det blei litt for mykje med to jobbar, oppussing og graviditet :)

I år har eg ingenting konkret på planen, men eg går eit utruleg spanande år i møte og målet mitt er å nyta det alt eg kan. Ein får aldri igjen det første året med sitt første born, eg håpar eg kjem meg opp tidleg kvar dag sånn at eg får utnytta dagane for alt det dei er verdt <3 Eg skal jo ha permisjon gjennom heile våren og sommaren, eg gler meg :) Også har eg kanskje eit sånt delmål om å greie å få att kroppen min etter graviditeten, men det har vel alle som får born, hehe.

Ikkje alle var like glade for at jula skulle pakkast vekk, Flushy ville helst vera meg treet i eska :)

Så kom Blacky og, og dei klamra seg fast i einannan :P

Prøver å beskytta byttet sitt :)

Å, endeleg ei julefri ståve! Hurra :D

Kattane blir ganske slått ut etter ein heil time ute i regnet!

Då er det viktig å slappa av litt når ein kjem inn att :)

GODT NYTTÅR!

Då var me allereie inne i 2013, tenk det. Me hadde ein kjempeflott kveld igår, nydelig middag mykje dessert og godt selskap, akkurat slik det skal vera. Ei rolig feiring med alkoholfri champis og julebrus fra sørlandet for min del. 

Me har gleda oss lenge til å sjå rakettane fra Nygjerdet og eg må sei me hadde ein panoramautsikt til det store fyrverkeriet herifrå, det var heilt topp! Eg trur me hadde handla inn fem pakkar stjerneskot, fordelt på tre personar så me hadde det veldig kjekt med dei ganske lenge. Eg trur ikkje pusane hadde det like kjekt, dei var ikkje veldig høge i hatten igår, men eg syns dei greide seg fint trass alt. Første nyttårsfeiringa deira :)

Om ein skal mimre litt tilbake i 2012 så trur eg det er eit av dei beste åra eg har hatt, 2011 var og veldig bra, men 2012 - hakket betre. 

Det var veldig travelt det første halvåret, men me hadde det så vanvittig kjekt på same tid. Det var artig å vera tilbake på Rema 1000 litt, sjølv om det var tungt å jobba så lange dagar. Eg og Thomas fekk og, etter å berre ha kosa oss gjennom heile 2011, verkeleg testa korleis me jobbar saman, og me greide oss fint, veldig fint. Me har sett mykje nye sider hos kvarandre, stort sett berre gode, og lært oss sjølve og kvarandre enda betre å kjenne. 

Og det siste halvåret har eg jo vore gravid og livet mitt har stort sett dreid seg kring det, og sjølv om det har sine utfordringar så er det verkeleg bare heilt fantastisk. Eg er heldig :)

No er eg spent på kva 2013 har å by på, eg vonar det blir eit spanande år med mykje nytt. 

Me skal bli foreldre. 

Mykje fint fyrverkeri, dette var fra ein serie med planetar.

Mykje flotte fargar!

Og eit GODT NYTTÅR til alle lesarane frå oss :)