DETALJAR

Då er me meir enn halvvegs i veka allereie, og det nærmar seg helg med stormskritt. Denne helga skal eg tilbringe heime på Stord saman med mamma, det blir kjekt. Eg trur tilogmed at min kjære bror er heime denne helga, han er det lenge sidan eg har sett no. Også gler eg meg sjølvsagt til å treffa alle dei fine venninnene mine, alt ligg tilrette for at dette blir ei superduper helg :D

Idag skin sola her i Bergen, og det har vore ein nydeleg dag. Nabohuset vårt er til sals for tida, (løp og kjøp) det var visning der idag, men det såg ikkje ut som det var så mangen som møtte opp, det blir jo spanande å sjå kven som overtek det. Idag er det eit hybelhus med tre leilegheitar, så det blir vel nokon som kjøper til for vidare framleie, så får me håpe at dei som overtek leiger ut til kjekke folk. (Eg veit ikkje om nokon har fått det med seg, men det var ein litt ufin hendelse her for nokre dagar sidan, litt lenger ned i vegen, så me håpar me slepp å få denslags nærmare oss)

Ellers har me fått opp litt ekstrautsyr på veggane på badet idag. Så no er det berre dei vindaugskarmane igjen, me får no sjå når dei kjem opp. Eg kjenner eg er rimeleg klar for at dei skal bli ferdige no, sånn at eg kan vaske det ned og flytte inn tinga våre. Det gler eg meg sånn til. Eg har overtala Thomas til at me skal kjøpe nye handkle som alle er i samme farge, så blir det så fint der inne. Kva farge det blir, det held eg hemmeleg enn så lenge :) (typisk bloggar)

Handklehaldar til gjester.

Handklehaldar til våre handkle

Toalettrullhaldar

Og kvar vår haldar til dusjartiklar.

DØRER

Heisann! Då nærmar det seg slutten på baderommet vårt, det har vore ei morosam reise, og det er kjekt at me fekk det til. Det som gjenstår no er vindaugskarmar, litt diverse oppheng og dusjdørene, sistnemnde kjem ikkje før i veke 33, så den må me altså vente på i nokre veker til. Sånn er det med ein høg mann som treng litt spesiallaga dør.

Sidan sist har me tatt ein beslutning om at resten av andre etasje må vente, det blir for dyrt å ta det med eingong, det må me berre innsjå. Badet kosta litt meir enn det som var tenkt, så no må me rett og slett spare litt, så byrjar me på att neste sommar. Då har me kjempegod tid til å planlegge korleis me skal gjere det der.

Det er litt me tenkjer at me må prioritere, som til dømes ny ytterdør då den me har no er gammal og lekk kald luft som ei sil. Det er og eit par vindauger i andre etasje som bør byttast før vinteren, då dei er enkle.

Ellers har me mange rare dører her i dette huset. Idag har eg knipsa bilete av nokre av dei. Me har hatt den finaste døra hekta av i ein periode, så ikkje arbeidarane på badet skulle skade den, men det såg ut som den var blitt litt skeiv når den hadde stått opp etter veggen så lenge, så idag måtte me berre prøve å hekte den på igjen. Det gjekk heldigvis bra :)

Dette er døra me hekta på idag, heilt klart favoritten i huset.

Her er andre sida av same dør.

Denne døra fann me inni veggen, og den kjem nok til å bli bygga inn att på sikt.

Det same gjeld denne, som eg eigentleg vil bruke som soveromsdør på vårt kommande soverom. Me får sjå :)

To kvite dører.

Denne er heller ikkje så verst.

Og denne treng berre eit nytt handtak, så er den og i shipshape.

230612: ST. HANS

I år hamna Sankthansafta på ein laurdag, så eg antar at monge er ute og feirar ikveld. Me har innekveld idag, eg skal hente ei venninne på Halhjem imorgon tidleg klokka halv ni, så det er best eg er i god form.

Her på Laksevåg vert denne afta feira med tønnebål, livemusikk og andre festlegheiter med havna rett nedanfor oss, me gjekk eintur ned isted rett før bålet skulle tennast, men det kosta sjølvsagt pengar å kome inn og det hadde ikkje me tenkt på, så då tusla me heim att. Det er ikkje så farleg, for me har jo panoramavindauge i andre etasje her med god utsikt ned til bålet.

Det er Laksevågs Bueskyttere som arrangerer dette kvart einaste år og det har dei gjort dei siste hundre åra. Det er reint dugnadsarbeid og planlegginga startar allereie i august året før bålet skal tennast. I 1991 vart det utført omlag 3120 dugnadstimar i samband med bålet som då bestod av 37 tønneraster med tilsaman 800 tønner.

BADEROMSLUKKE

Kvar gong eg er på det nye badet vårt no, så kjennes det ut som eg bur i ein katalog. Dette er det finaste badet eg nokon gong har hatt. Me er så nøgde med flisene med valde, og med møblane. Prikken over i´en på vera den nye vaskemaskinen Thomas kjøpte i anledning fødselsdagen min, den passa perfekt inn.

Me har såvidt byrja på prosjekt rydd/vask her heime no, ein veit ikkje kor ein skal starte eingong, etter fem veker med arbeidarar i heimen ser det berre ikkje ut. Men det skal bli så godt å få heimen tilbake slik den skal vera, rein og fin, og ikkje minst ryddig. Og så skal det bli superstas å få vaska litt klede igjen, det er ei stund sidan no!

Gulerota er som vanleg: TACO :D

Her kjem bilete av det nydelege badet vårt. Ikkje heilt hundre prosent ferdig enda, men det nærmar seg stadig :)

Toalett. Vegghengt :)

Me manglar dusjdører, men dei kjem på sikt.

Dusjgolvet med den kule rista vår.

Skuffeseksjon. Viktig med kvar vår vask, så kan me vera på badet saman, men sleppa å vera i vegen for einannan :)

Spegelskåp.

Bilete tatt frå toalettområdet.

Tak.

Ledspottar og avtrekksvifte.

Dobbeldusjbatteri.

Bursdagsgåve :)

BURSDAG: 26 ÅR

Då var eg heile 26 år, og eg er no på heilt feil side av tjuetalet. Eg hugsar når eg vart 25 år, altså sist gong eg hadde bursdag, då hadde eg veldig bursdagsangst, og ville helst ikkje bli noko eldre, men denne gongen gjekk det heldigvis bra. Sidan sist bursdag har eg jo forlova meg med verdas finaste mann, og kjøpt hus saman med han, så stressfaktoren er absolutt på veg ned. Fast jobb har eg og fått, det hadde eg vel heller ikkje sist bursdag, så hurra for det.

Dagen blei feira med Thomas, mi gode venninne Marith (som og hadde bursdag igår) og hennas kjærast, Jørgen. Me laga til eit heidundrandes grillmåltid med indrefilèt, grønnsaker, potetsalat og vanleg salat, ja og mais sjølvsagt. NAM.

Idag fortsatte eg feiringa med resten av mine gode venninner, ein veldig koseleg middag i byen og litt shopping etterpå. Veldig glad for at alle kunne vera med på det, og så passa det så himla bra sidan Tonje og var i byen (ho bur vanlegvis i Oslo), i ein hektisk kvardag er det altfor sjeldan ein greier å møtast alle på ein gong, men så sett ein jo umåteleg pris på det dei gongene det skjer då :) <3

Konklusjonen her må vel vera at det var heilt OKpluss og bli 26 år.

Nemde eg at eg fekk verdas finaste bukett roser av guten? :)

Han er ikkje så verst nemlig :)

Bilete er feil vei, men her er altså litt av maten vår.

Ein stk sulten hund.

Det kjennes vanvittig godt å ha fått livet tilbake, om ein kan sei det på den måten. Eg har så god tid no, til å gjera det eg har lyst til. Som til dømes idag, la meg ned på sofaen då eg kom heim fra jobb og satt rett og slett på ein film, og låg der heilt til den var ferdig. På ein vekedag!

No har me akkurat kome heim etter ein liten tur på dusjslang hos Marith og Jørgen, men no er det berre to heile dagar og ein halv, så kan me forhåpentlegvis dusje i eigen heim igjen. Me fekk vete idag at dei ikkje blir 100% ferdige til fredag likevel, men dei får på plass det aller meste. Idag var til dømes snekkaren her til halv åtte, og på laurdag var jo muraren her på fridagen sin, så dei gjer jo det dei kan. :)

I helga som kjem skal eg rett og slett vaske. Heile huset. Det trengs. No har me ikkje hatt varmt vatn her på tre veker, og sjølv om eg har kokt opp vaskevatn eit par gonger så blir det ikkje heilt det same. Apropos varmtvatn, så har me fått varmtvatnsberedar idag, yay! Og dør inn til badet og nesten heile taket er klart der oppe.

Det er fotball på skjermen idag og :)

Ny dør!!!

Tak! Me valde å bruke panel då me synes det passar huset best :)

Og til slutt den nye tanken :)

SOLGT!

Hei alle! Då var det mandag att og ei ny veke er igong. Helga som gjekk var heilt herleg, skikkeleg avslappande og det var akkurat det eg trengte. På fredag hadde me besøk av ein kamerat av Thomas, så eg laga pizza til oss, alltid ein slager hos gutta :)

På laurdag kom muraren her klokka åtte, så då stod eg like gjerne opp og hadde James Bond-maraton i stua. Eg fekk "berre" sett gjennom dei tre fyrste filmane då, Dr No, From Russia with Love og Goldfinger. På kvelden fekk me besøk av ein anna kompis av Thomas, det er jo fotball-EM for tida, så det er jo kjekt å samlast litt for kamp.

Igår var det duka for bursdagsfeiring, eg har jo bursdag på onsdag så eg inviterte mamma og pappa over til Bergen. Det var ei stund sida dei hadde vore her no, så absolutt på tide dei fekk sett framgongen på badet. For anledninga fekk eg gåva mi fra Thomas, galningen har kjøpt ny vaskemaskin til oss, ein skikkeleg ein fra Miele, han er så god. I tillegg hadde han allereie solgt den gamle på finn.no. Så no gler eg meg om mogleg enda meir til eg kan vaske klede i helga som kjem, i ny maskin.

Idag har det ikkje skjedd stort. Det er komt fuger på veggene oppe då, fantastisk. Spent på om dei faktisk blir ferdige til fredag, dei kom jo igong ei veke for seint, og dei har verkeleg stått på! Ellers har det kome eit lite flyttelass til frå leigebuarane våre, det skal bli spennande å få dei på plass til hausten :)

Sjå gjerne vekk ifrå kaoset. Men det skal iallfall bli godt å bytte denne inn i ein større og nyare :)

NIKON D3100

Ein gledeleg nyheit til alle de som les bloggen her. Eg har, endeleg, kjøpt meg nytt kamera. Ein skikkeleg spegelrefleks, Nikon D3100, så no gjeld det berre å lera seg korleis ein brukar det :)

Igår var det dags for at bilen skulle EU-godkjennast og eg må innrømma at eg på førehand var ganske nervøs for utfallet. Sjølvsagt gjekk jo bilen gjennom utan merknadar, så det var iallfall ein ting mindre å tenkje på. Etter dette hadde eg time hos tannlækjaren, så eg suste heim og henta Thomas, som hadde lova å bli med meg. Me var litt seint ute og sprang bort til tannlegekontoret berre for å finna ut at tannlækjaren min var sjukemeld, så då slapp eg det. Dei hadde altså gløymd å ringja til meg for å gi beskjed.

Så då fekk eg og Thomas ein god time i byen istadanfor me då. Gjekk å kikka litt i butikkar og endte altså opp med å kjøpa eit nytt kamera. Det har eg ynskja meg lenge og så fekk eg jo litt pengar av min bror i bursdagsgåve på førehand. Og når bilen då i tillegg gjekk gjennom kontrollen og eg slapp tannlækjar, då tok eg det som eit klarsignal :)

Så her kjem nokre bilete av badet med litt betre kvalitet enn før!!! :D

MEIR FLISER

Ja, no har over halvparten av veggane våre kome opp og. Det er så bra dette! Heilt ufatteleg at det er vårt bad. Me har valgt ut alt som er der og me har planlagt korleis det skulle bli, og no er det sånn, omlag iallfall. Det er jo framleis eindel som gjenstår.

Resten av flisene
Fuger på vegg
Tak
Elektrisk
Møbler
Dusj

Idag har dei montert den riktige sluken i dusjen og. Stor stas! :)