FERDIG PLATA

Ei veke foran skjema, det er status akkurat no! Bra jobba gutta, men det hjelp jo som sagt ikkje då malaren ikkje kjem før om ei veke til. Uansett alltid greit å vera tidleg ute då.

Dette taket i gangen er det einaste som ikkje er plata no, her skal me nemleg ha noko panelgreier :-)

Endeleg fått opp vegg her utanfor badet! DET har eg venta lenge på!

Denne helga har me ikkje hatt så mykje på planen og det har vore kjempekjekt. Det har vore ein travel vår, mildt sagt, så litt familietid var etterlengta. No er me snart klare for ei ny veke. Ei veke der eg startar i 100% jobb igjen, men heldigvis ein roleg start imåro med heimekontor! :-)

EIT NYTT ROM

God kveld! Då var eg komen meg til Bergen igjen for to dagar med jobb, før eg vendar nasa tilbake til Stord for å henta Aksel. På fredag reiser eg og Aksel tilbake til Bergen, og her skal me vera iallfall den neste veka. Det blir mykje fram og tilbake på oss denne sommeren, men det skal nok gå bra :-)

Dette rommet skal bli Aksel sitt <3

FORNØGD frøken etter jobb idag!

Då eg kom heim frå jobb idag kunne eg gleda meg over at me har fått eit nytt rom her i huset. Først starta det som soverom, sidan vart det gjesterom, bibliotek, TV-ståve, gjesterom igjen før det no endeleg har blitt eit skikkeleg rom, eit rom med "fire veggar" og snart ei dør. Det skal nok framleis nyttast som gjesterom og eg må innrømma det skal bli godt å ha noko "skikkeleg" å tilby gjester som kjem på besøk her hos oss!

Inn på det nye rommet! :-D

Det nye rommet. Det er ganske lite, og litt rar form, men det kjem til å bli eit supert barnerom eindag, og mellombels får det duge som gjesterom :-)

Ellers har det komt plater i gangen og i samband med dette nye rommet har det komt opp nye veggar. Thomas jobber på med å isolere taket og imorgon kan det være det kjem nokre plater der og, samt at gangen skal gjerast heilt ferdig. No er det ikkje lenge før det er heilt klart for sparkling, berre kjipt at malaren ikkje kjem før etter neste veke. Jaja, det er betre å ligge føre skjema, enn bak, og det er jo ikkje slik at me skal gå arbeidslause heller. (Me har nemlig eit hav av listverk som skal malast, både golv-, dør- og taklister).

Den nye gangen, litt lenger enn den var før! I taket her skal det henga to flotte lampar, det kjem til å bli råbra!

Isloering av taket :-)

Eg startar etter planen opp att i hundre prosent på jobben fra tysdag av og Thomas skal og jobbe litt etter å ha hatt fire veker med "ferie". Han skal framleis gå heime med Aksel nokre dagar i veka då, så det er ikkje heilt slutt på heimekosen for hans del enda :-)

GIPS OG SPON PÅ VEGGEN

Då har eg mottatt dagens bilete frå arbeideren i Bergen (eg er jo som kjent på ferie på Stord/Valevåg). Idag har dei fortsatt å gipse veggane og er no snart ferdig med Aksel sitt rom i tillegg til at dei har gjort litt på vårt soverom og.

Under gipsplatene har me valt å legga inn sponplater, dette både for bedre isolering og ikkje minst lyd-demping. Me legg dei både på lettveggane som deler romma og langs ytterveggen for å dempa trafikkstøyen. 

På veggen mellom walkin-rommet og soverommet vårt bruker me sponplater som egner seg til oppheng sidan me skal ha TV på veggen der. Alt er planlagt til detaljane og eg gler meg til me er ferdig! 

FRAMGONG

I helga var eg heime ein tur, og hjelpes for ein framgong sidan sist eg var heime (sjølv om det berre var nokre dagar sidan). No kan ein verkeleg sjå for seg korleis det skal bli til slutt og reisverket er satt opp slik at romma er fordelt. Veldig kjekt!

Aksel sitt soverom!

Fra vårt soverom og inn mot walkin/kontor.

Walkin/kontor ferdig plata! :-)

Frå vårt soverom og inn til Aksel sitt. 

Gjesterom, her har Thomas og snekkaren fått laga rommet bittelitt større, Hurra! :-) Det er ikkje snakk om store forstørrelsen, men alle kvadratcentimeter hjelper når rommet er så lite i utgongspunktet.

Gjesterom og litt av gangen, her mangler framleis reisverk så det skal altså opp vegger her og :-)

Det var nokre bilete så langt. Ein kan og sjå at eletrikaren har vore her og trukke kablar. Me har valt kablar som allereie har ledningane på plass så blir det litt mindre arbeid. Alle stikkontaktane er no fordelt og me er veldig nøgde med arbeidet så langt. Flinke fagfolk me har engasjert :-)

VINDSPERRE OG LEKTER

Me er framleis særs nøgde med at kranbilprosjektet vårt gjekk i boks. Kjekt når ting ein har grua seg litt til går så over all forventning :-) Men det er allereie tre dagar sidan no og mykje har skjedd i heimen sidan sist.

Siste del av planken er skrudd i.

Ventil på soverommet :-)

Etter vindauga var på plass var det neste på lista at Thomas skulle bli ferdig med å skru plank i golvet, samstundes starta snekkaren med vindsperra for så å lekte. Det går verkeleg unna og eg må verkeleg seie at gutane er flinke.

Romdelinga mellom soverommet vårt og walk-in/kontor er såvidt igong!

Soverommet til Aksel er i ferd med å ta form.

Etter planen skal eletrikaren vår komme i ettermiddag og imorgon er det dags for å isolasjon.

Vindsperre og lekter!

Allereie neste veke er det etter planen meininga å begynne å gipse veggane og etter det går det unna tenkjer eg. Sjuande juli kjem malaren for å sparkle, reknar med dei skal bli klare til det i dette tempoet!

KRANBIL OG NYTT VINDAUGE

Dette har vore ein spanande dag! Eg skal innrømme at eg hadde mine tvil då Thomas kom ivrig med idèen om å bruke kranbil for å få på plass vindauga i andre etasjen. Men han haldt fast på denne idèen og fann ut at dei i same slengen kunne heise opp alle gipsplatene slik at dei slapp å bera dei opp trappene. Jaja, tenkte eg.

Vel, Thomas er jo kjent for å gjennomføra idèane sine han og dette var ikkje noko unntak, så idag kom jammen meg kranbilen med både gipsplater og vindauget. Praktisk nok så har jo Adolf Jahnsen ein kranbil med fører så det var iallfall ikkje noko problem å få tak i ein :-)

Det eg var mest bekymra for i forkant var trafikken, korleis kan ein berre stoppe trafikken liksom? Men kranbilføraren greide å plassera seg godt inntil kanten og det er jo både fortau og sykkelfelt, så trafikken gjekk igrunn som normalt. Nok ein bekymring til ingen nytte altså :-)

Eg bøyer meg nok ein gong i støvet for alt det mannen min får til. Etter sju år saman greier han framleis å imponere meg og eg gler meg til å sjå fortsettelsen på dette oppussingsprosjektet vårt <3 Eg og Aksel er trygt plassert på Stord igjen og her skal me kose oss sammen med familien min i nokre dagar mens gutta krutt jobber på i Bergen.

Tilslutt nokre bilete fra når vindauga vart krana opp! Ufatteleg kult :-)

DAG TO:

Dag to av oppbygginga er vel overstått og det går stadig framover med guttaboys. Idag har dei konsentrert seg om golvet og eg trur Thomas allereie har lert mykje om snekring. Hihi :P

Bjelkene som låg i etasjen fra før er 3x7 tommer (73x173 mm). Denne dimensjonen finns ikkje lenger og difor retter me ut med 2x6 tommers konstruksjonsvirke (altså 48x148 mm). Snekkeren la ut laser og tok høgdene så det var ingen jobb for Thomas :) Desse vart skrudd på kvar side av dei opprinnelege bjelkene.

Deretter er det meir grundig kosting av støv, snekkeren hadde med ein finfin industristøvsuger som egner seg godt til å få opp det aller meste av gammal skit og støv.

Så la gutta ned 15 cm med isolasjon, noko som passa fint ilag med bjelkene på 14,8 cm.

Ferdigkappa (23x098) forskalingsbord (som Thomas brukte heile kvelden igår på å kappe opp) blir så lagt på tvers over bjelkene og skrudd fast i dei nye bjelkene. Det geniale er at då får dei ferdig arbeidsgolv utan at dei treng å vera redde for å skade det nye golvet som skal komme på seinare.

Det skal komme 6 mm silencioplate og 20 mm heiltregolv oppå desse borda når me er nesten heilt ferdige, det kjem til å bli så bra!

SOMMER

For nokre nydelege dagar me har hatt på sørlandet, sola skin og me koser oss! Eg har tydelegvis truffe på ferien min i år og, dei siste åra har me vore veldig heldig med veret dei vekene me har hatt ferie! Legg ved eit bilete av Aksel i hengekøya før idag :-) 

Så blir det jo veldig spennande og komme heim å sjå korleis det ser ut i huset om nokre dagar, og ikkje minst gler me oss til å sjå Thomas igjen, Aksel har mykje å fortelle :-)