JULA 2015

Tenk at det er jul igjen. Temperaturane har vore så låge denne hausten, at det slett ikkje kjennes som Desember. Mange stresser med gåver og alt allereie fra tidleg Oktober, men eg sjølv liker å spara det til Desember er her, får så julestemning av å gå rundt i julegatene og butikkane som er pynta til jul. Men akkurat i år kom aldri den julekjensla til meg. Det viktigaste er jo heilt klart at ungane har ei fin jul, og eg er ganske sikker på at Aksel og Johan kosa seg verre.

Ein forfjamsa gut som våkna til alle desse gåvene <3 

Ein liten nissegut framfor gåvehaugen!

Ein anna ting med jula er at eg og Thomas plar ha juleverkstad litt før jul, der et me julemarsipan, høyrer julesongar og pakkar inn gåver, så når dei på butikkane spør om dei skal pakka for oss seier me alltid "nei, takk". I år skal eg sei det beit meg bittert i halen då me alle saman vart skikkeleg ramma av influensa to veker før jul. Der låg me, me sikkert 30 gåver som skulle pakkast og ein del av gåvene var enda ikkje kjøpt inn. Vel, det vart jul i år og. Ein supersjuk (men dog smilande og blid som alltid) Johan i vogna og ei snufsen mor kjørte frå senter til senter eit par dagar før jul (ja, det var kaos), og me fekk tak i gåver til alle :-)

Tre flotte gutar, klare for middag :-)

Aksel fekk opne ei julegåve mens me venta på middag. Det var eit fjernstyrt fly frå Bestemor og Bestefar, stor stas!

Julafta feira me på Stord hjå mine foreldre (som vanleg), ein kjempefin dag, tross at mor i huset var noko redusert. Me starta med julesnop, juleblad og juleTV, fortsatte med julelunsj, kyrkjetur for så å heim å eta middag. Deretter var det høgdepunktet (til Aksel iallefall), gåvene.

Somme tradisjonar held alltid stand :)

To ivrige gutar som opner Johan si første julegåve! (Ein gå-bil)

I år starta me alt ein time tidlegare enn vanleg slik at gutane skulle få vera med på moroa. Johan kasta inn handuken ganske kjapt, men Aksel holdt ut til alle gåvene var pakka ut. Og då det var tid for legging var det ein lei seg gut som trudde han skulle legge igjen alt han hadde fått når me skulle heim att til "huset vårt". Vel, når me endeleg fekk klarhet i at alt skulle bli med heim, var det ein lukkeleg gut som sovna.

God Jul fra familien Ødegård/Ådnanes <3

PEPPERKAKEHUS - SNART ER DET JUL

Her om dagen var det tid for å lage pepperkakehus. Det har me aldri gjort før, så eg satte igong på dagtid slik at huset skulle vera klar til pynting på kvelden. Sjølve deigen kjøpte eg på Rema 1000 for 2,20 kroner. Ein må jo berre elska priskrig i juletida. Malen til huset fann eg på internettet og til å vera første gong så er eg ganske nøgd.

Til neste gong skal eg hugse at det lønner seg å vera nøye. Det er også viktig med jevne flater når ein kjevler ut og platene kunne vore hakket tynnare enn dei vart. Og pizzaskjærar var ikkje ideelt å bruka til utskjæring sjølv om ideen virka god der og då.

To spente gutar satte seg ned ved bordet då tida var inne. Eg hadde lima huset saman på førehand slik at me skulle unngå brannskader med sukkeret. Heldigvis er ikkje Aksel så vanskeleg og han synes huset var kjempefint og han gleda seg til å pynte det.

Aksel var veldig flink og spurte om lov til å smake litt på pynten undervegs, og det er jo lov å smake litt. Litt til kokken som eg brukar og seie.

NYE VINDU IGJEN

No har me skifta litt vindauge igjen. Det er ei stund sidan då, i starten av juni. Me skifta det på kjøkkenet og det store i ståva. 

Me måtte sjølvsagt ha kranbil denne gongen og. Dette vindauga var enda større enn det me har oppe, men levert av same leverandør. Altså det same vindauga, men me ei rute meir. 

Eg såg no når eg skulle legge inn bilete at dette bare var bileta av før/undervegs. Men det vart veldig flott her. No er alle vindauga nye forutenom dei fire i kjellaren og dei små her oppe. 

TANNFRAMBROT

Johan har no fått sine første tenner og her om dagen fekk eg fanga dei med kamera. Han er framleis tidenes "happy-boy" og stiller meir enn gjerne opp med eit smil :-) Stor gutt er han blitt og, 17. september runder han eit heilt halvt år. 

Det er kjekt å sjå kor stor glede dei to gutane vår har av einannan og igår såg eg dei leika skikkeleg saman for første gong. Med bilar, sjølvsagt. Det smelta mammahjartet, me har ei kjekk tid framfor oss, det er heilt sikkert :-)

DYREPARKEN 2015

DEI TO FINASTE EG VEIT

DÅPEN TIL JOHAN 14.06.15

14. juni hadde me dåp for Johan her i Laksevåg Kirke. Ein kjempefin dag saman med familien. Sjølve gudstenesta gjekk veldig bra og både Aksel og Johan var rolige og flinke heile tida. Det var to dåpsbarn, Johan og Nora Emilie, så det var veldig god stemning i kyrkja. 

Etterpå gjekk me heim til oss sidan me ikkje var så mangen. Veldig greit og koseleg å kunne ha festen heime. Me hadde bestilt snittar, kake og kransekake samt baka ei kake sjølv. Meir enn nok mat for å sei det sånn. Men slik skal det vera på ein sånn dag.

Veldig takknemleg for alle som ville feira Johan saman med oss <3

Denne kaka var berre heilt himmelsk. Saftig og god sjokoladekake med ikkje mindre enn fire lag med oreokrem inni. NAM. Den var laga av klubbvenninna mi, Maritha. <3

SOMMEREN 2015

Me starta ferien vår med ein tur bort på Kjekse. Det var berre meg og gutane, medan Thomas var igjen i Bergen for og jobba. Me var heldig med veret og hadde nokre flotte dagar der saman med Mormor og Bessi. 

Aksel og Bessi matar Svanhild og Jakob. Dette er to svanar som ofte kjem inn i "baien" for å tigga etter litt mat. Aksel likte dei best på litt avstand :)

Når ferien til Thomas starta reise me ner til Lillesand og hadde to flotte veker der. Nydeleg ver og herlig selskap. Gutane storkosar seg saman med Bestemor og Bestefar <3

Me hadde heile tre turar til Dyreparken medan me var på Sørlandet. Så det får bli litt bilete derfra i eit eige innlegg. Ingen tvil om at det var populært for både store og små. 

Johan smilar som vanleg <3

Aksel var litt småsjuk, så me var ikkje på stranda meir enn ein dag. Men ein veldig flott dag var det og me kosa oss alle saman.

Bare Bestemor får lov å ta bilete. "Isse du mamma, Bestemor!" 

Stor stas å få lov til og sitta inni Bestefar sin traktor. 

Ein kjempefin ferie som skapte mangen nye og gode minner.