NY DØR: BESTILT

Heilt sidan me overtok huset har me ønska oss ei ny ytterdør, men det har heilt tida vore andre ting som har blitt prioritert og den nye døra har latt vente på seg.

Den gamle døra, skikkeleg 70-tals preg over den. (Biletet er henta frå prospektet)

Hovudgrunnen til at me vil bytte den ut er at den ikkje er tett, det er ei glipe som ein faktisk kan sjå gjennom og det seier seg sjølv at dette er lite gunstig på vinterstid. I tillegg er den kjempestygg, enkelt og greit. Den passar ikkje til huset i det heile tatt.

Den nye, fine døra vår. Den kjem i ein svart farge.

Det var ingen av oss som hadde noko særleg peiling på dører då me starta jakta, men me hadde sett for oss ein pris og tenkte då at me hadde teke godt i, vel det hadde me ikkje. Me har lyst på ei dør som kler huset, den må ha eit preg av 1929 over seg, samtidig som den held dagens standard når det kjem til kvalitet.



Og dette nydelege glaset, som me gler oss!!! :-)

Me har henta fleire tilbod, veldig varierande i pris og alt, men det var ei dør me begge ikkje greide å gløyme. I utgongspunktet var den litt for dyr, og me la heile dørprosjektet på hylla ei lita stund. Då me fekk veta kva me fekk igjen på skatten (ingen svimlande sum altså, men me gjekk litt i pluss) bestemde me oss for å bruke dei på den fine døra som me begge likte så godt.

No er den bestilt og me gler oss til å få den på plass om eit par månadar.

I DET SISTE...

Titt titt, som eg plar sei til Aksel :-) No er det berre to veker pluss nokre dagar til me reiser til Sørlandet, SOM me gler oss! Eg har faktisk ikkje vore i Lillesand sidan i fjor sommer, det er altfor lenge sidan, men med graviditet og baby vart det berre sånn. Aaah, ein kan mildt sagt seie at eg GLER MEG. Trudde ei stund det var neste helg me reiste (går litt surr i datoar og sånn), blei kjempeskuffa då det gjekk opp for meg at det var ei heil veke til.

Fine pusen vår <3

Eg og Aksel skal ein tur til Stord fra mandag til tirsdag neste veke, og på fredagen reiser me bort på hytta med mamma og pappa og blir til mandagen, så tida kjem nok til å gå fort den. Så kjenner eg sjølvsagt på at pusane skal på pensjonat, akkurat det skulle eg ønske me slapp, men det er ulempen med å ha dyr, og når me skal vera vekke i om lag to veker så må nesten nokon sjå til dei. Me har funne eit koseleg pensjonat i Knarvik, og håper dei får eit fint opphald der.

Ho her vil berre ligge på Aksel sine ting, no har eg slått saman begge vognene, då blir det bilstolen, eller leiketeppet. Ellers har ho det fint :-)

Forrige helg var Thomas som nemnt i Lillesand, på vegen svinga han innom på Stord og leverte fra seg tre store Rhododendrons som har stått på framsida av huset vårt, no har dei fått seg eon ny heim hos mine foreldre. Eg skal sei eg vart meget imponert då Thomas og vår gode nabo greide å få alle desse buskane inn i bilen, det var nemleg LITT av eit prosjekt! Jaja, den som ikkje vil, den skal.

To slitne karar, det gjekk akkurat :-)

I dag har me starta på prosjekt sommermaling, me har nemleg bestemt oss for å male gjerdet som går rundt huset og i trappeoppgongen vår ute. There is no time like the present og me fekk gjort litt i dag, no er me igong. Eg fekk vert med i litt over ein time, men då var det slutt på tolmoden til sjefen i huset som låg i vogna si og leika. God guten vår, han er blitt kjempeflink å rulle seg fra ryggen til magen no, og det er ikkje ofte han blir liggande på ryggen når eg legg han ned lenger. I dag når han skulle legge seg byrja han og å legge seg på magen, dette var eg førebudd på og innser at legginga framover kan bli meir utfordrande, men det skal nok gå bra :-)

Aksel får kveldsflaska si hos pappen <3

Fornøyd gutt som endeleg kan bestemme litt sjølv korleis han vil ligge ;-)

Og ellers har me fått skattepengane i dag, og kva me har bestemt oss for å bruke dei på får de sjå i neste innlegg...

NY TRILLE

Aksel er så heldig at han har fått seg ny vogn, ei trille. Me har kjøpt den brukt og så langt er me veldig nøgde med den, Maclaren Techno XT. Planen er at me skal ha denne med oss på ferie i år, istadanfor å drasse på den store vogna som tar heile plassen i bagasjerommet. På denne måten kan det jo vera at me får med oss litt bagasje og på tur :-)

Eg trur denne blir kjekk framover altså!! :-)

Det er nemleg min bil som er familiebilen for tida, og som alle veit er det jo begrensa med plass i den.

Store guten vår!

Ellers var Thomas ein tur i Lillesand fra fredag til laurdag, han skulle berre ned å hente litt greier som er hans og når han kom heim igjen i går kveld viste det seg at bestemor hadde kjøpt litt leiker til Aksel. Gjett om dei falt i smak hos gutten då han våkna i dag!

Aksel sovna forresten klokka kvart over sju i går kveld og sov til kvart over sju i dag tidleg. Det er tolv timer det, herleg! Det er og første gongen han sovna så tidleg, så får me sjå om det er ein trend som kan halde fram.

Kosar seg med ny leike! Bilen i bakgrunnen hadde Thomas då han var liten, den har allereie rukke å bli ein favoritt hos Aksel og :)

STUA VÅR

Me har ommøblert litt i stua i det siste, og eg må sei at eg er veldig nøgd med korleis det ser ut her no. Endeleg har me fått litt bilete på veggen og ting heng litt meir saman. Eg har framkalla MASSE bilete frå Aksel vart fødd og til no, og forstørra det finaste bilete me har teke av han, eit når han ligg på magen og smiler.

Han er så nydeleg! <3

Slik ser det ut her i dag, bursdagsroser og alt :-D

Altså, sjå her kor nydeleg! For ein liten sjarmør. Eg smeltar heilt av den vetle krabaten :):)

BURSDAG OG SÅNN

Då var det ei stund sidan eg har blogga, grunnen til det er at dataen min har litt problemer. No er den levert inn til reperasjon og eg må låna Thomas sin PC (som og har vore på service).

Far og son, kosar seg :)

Dagane rullar og går og eg kosar meg heime med den fine guten min. Det siste nye fra Aksel-fronten er at han no kan rulle fra rygg til mage. Det vonar om hektiske tider framover. Ellers er han framleis smilande og blid, som vanlig :-) Det er jo aldri ein roleg dag her i Nygjerdet så litt av kvart har skjedd, og no for tida er det helst uteområdet som får seg ein liten overhaling. Me prøver å fikse opp litt på nedsida av huset, og sjølv om me ikkje heilt veit kor me skal starte så gjer me litt og litt, ein dag vil det bli fint, det berre veit me!

Her hadde han akkurat rulla seg over på magen for første gong, heilt aleine!!!

I går hadde ho mor i huset bursdag, heile 27 år gammal har eg blitt no. Dagen blei ikkje feira så voldsomt, men mamma og tanta mi kom på besøk på føremiddagen, eg hadde baka kake i anledningen (heilt frå botnen). Thomas kom litt seint heim fra jobben og i tillegg så har han eit prosjekt ute i hagen, me flyttar nemleg ein del av Rhododendron-farmen vår over til Stord og det skal skje IDAG. Så Thomas og naboen vår stod og sleit i mange timar i går og klokka blei 21.30 før me gjekk inn for å feire bursdag.



Flagget måtte opp i går, og sola skein! :-)

Thomas er veldig flink med gåver og den slags og hadde med seg ein nydeleg bukett med roser heim. I tillegg til det hadde han kjøpt to treningstoppar til meg, ein nydeleg sommarkjole og ei kritt-tavle til kjøkkenet. Han hadde og levert inn eit bilete av Aksel til framkalling i stort format på lerret, men det var typisk ikkje komt i tide. Er eg heldig eller? Verdas beste mann <3

Nydelege roser frå mannen <3

Så har jo bilen min vore på service, den må jo vera klar til langtur i sommer, det er nemleg berre tre veker til me inntar Sørlandet. Det artigste av alt må jo vera at me fann ut at bilen er berekna til fem personar (eg har alltid trudd den bare var til fire). Eg har trudd at selen på eine sida bak har vore øydelagd i to år, så viser det seg at eg berre har prøvd å feste beltet i feil feste. Så, ja, då funker iallfall alle selane og det har dei gjort heile tida.

Mannen i kjempeslag!

Meg og Aksel var tidleg oppe i dag og kjørte pappa til jobb, han måtte sette bilen sin att på verkstedet i går og sidan Aksel ikkje skal sove på ettermiddagen fekk me eit lite logistikkproblem. Heldigvis er me morgonfuglar me, så det gjekk fint.

Og Aksel, tatt i dag :)

FIRE MÅNADAR

Tenk at Aksel er fire månadar gammal idag, fire heile månadar sidan han kom til oss. Det er heilt sprøtt, og me kunne ikkje vore gladare, for Aksel er den beste guten me kunne fått.

No når han er blitt så "stor" (alt er jo relativt) er det morro og sjå personlegheita hans forme seg, og det er veldig kjekt å sjå korleis han utvikler seg og stadig lærar nye ting. Stort sett er han ein blid kar, men innimellom har han dagar der han ikkje er like fornøyd, eg trur nok det høyrar babyar til og det går for det meste fint.

Eg har lest meg litt opp på noko som  heiter utviklingssprang i det siste og det er ganske interessant. Det handlar i grunn berre om korleis babyen utvikler seg, og kva ein kan forvente. Kvart slikt eit sprang har til dømes tre fasar:

1. Ein periode der babyen sutrer meir enn vanleg og søker oppmerksomhet, samt vil ikkje babyen vera så mykje aleine som den plar. Det kan også gå utover søvn/leggerutinar.
2. Sjølve utviklinga 
3. Etterfulgt av ein roleg periode, før det er på an igjen.

Så står det litt om når ein kan forvente slike periodar, og kva ein kan gjera for å hjelpa babyen til å gli gjennom desse spranga best mogleg. Når eg tenkjer tilbake så har Aksel hatt iallfall to av dei tre spranga  som han ifølge denne fastiten skal ha vore gjennom til no, og det forklarar jo så mykje. Framover forstår eg iallfall litt meir av kvifor desse peridane med sutring kjem, og at eg berre må prøve å vera der for han så godt eg klarar. 

Det er så mange som kjem med gode råd og formaningar om at ein ikkje må gå til babyen med eingong den gret, og at ein bare må la dei grine litt for det har dei godt av, osb. Etter fire månadar med baby sjølv er eg absolutt ikkje einig og "grinekurar" skjer iallfall ikkje i dette huset. Babyen sin einaste måte å kommunisere på er jo nettopp å grine, for å gi beskjed om at noko ikkje er som det skal, og det går ikkje an å skjemme vekk ein baby som er så liten, meinar no eg. 

Det blir iallfall spanande å følgje med på desse spranga vidare, det er bare nokre veker til fasiten seier at det neste kjem.

Sånn ellers har eg vore aleine med Aksel i meir eller mindre ei veke no, eg var ganske spent på førehand for eg er jo vant til å alltid vera to, men det har gått veldig bra. Aksel er jo ganske grei og rutinane er godt innarbeida. Det einaste eg kjenner litt på er søvnen, men eg får prøve å legge meg tidleg idag så eg er klar for ei ny veke. Ikveld kjem Thomas heim og gjett om både meg og Aksel gler oss.

PÅ STORD

Denne veka skal eg, meir eller mindre vera på Stord og prøve ut rolla som aleinemor. Grunnen er så enkel som det at eg skal passe katten til min bror medan han sjølv er på jobb og foreldra mine er på Kypros. 

Linn, Tonje og meg. Me var litt tidleg ute før vielsen :-)

Eg kom her på fredag, då var framleis mamma og pappa her og då dei ikkje reiste før natt til mandag, laurdag var det nemleg bryllup til verdas beste Anita, det var SÅ kjekt. Kjekt å pynte seg igjen, kjekt å sjå den fine mannen i dress, kjekt å sjå dei gje kvarandre sitt "ja" og kjekt å feira ilag med dei etterpå.

Kjærleiksparet <3

Dagen igår var altså den første dagen heilt aleine med Aksel, ikkje at det er noko problem eigentleg, for me har ganske gode rutinar no så dersom eg blir litt trøytt gjeld det berre å slenge seg nedpå litt når guten søv. Den første dagen gjekk kjempebra, me var på kafe med Marith, vetle Thor, Anita og Andrè, kjempetriveleg. På kvelden når guten var lagt fekk eg besøk av ei venninne så då slapp eg å keie meg aleine, heldige meg :)

Det nydelege brudeparet, nygift! :):):)

Imorgon skal eg ein snartur til Bergen igjen då, skal ut med jobben på kvelden, før eg vender snuten mot Stord igjen allereie på torsdag. Ein må jo få med seg alt. Då blir eg her til fredagkveld eller laurdag føremiddag før eg må heim å passe mine eigne kattar, for Thomas skal nemlig på guttetur i helga. 

Og den vakraste guten. Leikar seg! :-)

                Det skal på mange måtar bli godt når Thomas kjem heim på sundag :-)