TREFELLING

Heilt sidan me flytta inn her har Thomas snakka om at han har så lyst å hogge ned (det einaste) treet i hagen vår. Me jobbar jo sakte, men sikkert for å få ein fin hage og tar verkeleg ein ting om gongen. Framsida er eg eigentleg ganske nøgd med no, men på baksida er det framleis mykje som gjenstår.

Men tilbake til dette treet. Då foreldra til Thomas var her for å feire ettårsdag nytta Thomas høvet til å få med seg faren på litt trefelling. Det var typisk at motorsaga vår ikkje ville igong akkurat denne dagen (den har ikkje vore nytta på ei stund) så dei måtte faktisk til med stikksag. Heldigvis var ikkje trestamma så tjukk, og dei saga den av litt langt oppe slik at det skulle vera tynnast mogleg.

For å sei det sånn, treet kom ned det. Med eit brak. Så no ligg det no her på utsida og ventar på at motorsaga skal bli i orden slik at me får kappa det opp og kjørt det bort. Eller kanskje me skal lage vedkubbar av det? Me får sjå :-)

Og vips vart utsikta vår brått litt betre. Det kjennes meir opent når me er utanfor, men ikkje minst kan me endeleg sjå Ulriken utan problem fra ståva. Herleg.

ETTÅRSDAG

Igår vart Aksel ett år. Tenk at vetle guten vår er eit heilt år allereie? Eg hugsar jo som det var igår dei første skrika, den første gongen eg fekk han på brystet og ikkje minst den heilt fantastiske kjensla det var å endeleg få møte sonen min. Det hadde me venta så lenge på. Tida har gått og me har vore innom både vinter, vår, sommer, haust og no vinter igjen. Me har hatt gode netter, lange netter, søvnlause netter, latter, glede, tårer, ja, det meste. Det har utan tvil vore det beste året i mitt liv. Det er fint å vera mamma altså :-)

For anledingen har me hatt besøk av bestemor og bestefar i helga, altså foreldra til Thomas, det har vore så kjekt og det er så artig å sjå kor kjekt Aksel synes det er. Han blir jo heilt rakett og ler kvar gong bestemor ser på han. Skjønningen.

 Igår hadde me eit lite selskap her. Det var ein noko overraska gut som kom ned fra kvilen sin til eit hus som var gjort om til bursdagsarena medan han sov. Kaker vart baka, bordet vart dekka, lys vart tent og ballongar hengt opp i taket. I tillegg var huset fullt av gjester som var komen for å feira gullegutten.

Første fekk han opna alle gavene som var komt, og han fekk så mykje flott. Deretter var det tid for kakespising, først litt bolle og så mykje kake. Som han kosa seg. Me sang bursdagsangen for han og så var det tid for mykje leiking med alle gjestene.

Det var ein lukkeleg og utslitt guttebass som fann senga igår kveld. Eg trur han hadde ein super ettårsdag, og no er det berre å gle seg til han blir to år og ny feiring står for tur ;-)