EIN HEILT NY HAGE

Då var me ferdig med hagearbeidet for denne helga. Og gjett om me har stått på! Ting som har blitt gjort ute denne helga:

• Kjøpt og planta ny hekk
• Fjerna ein del buskar på innsida langs muren
• Luka bed utanfor kjøkken
• Luka bed med parkeringsplassen og klipt til rosebusken der
• Lagt bark med duk under i alle beda
• Spylt HEILE plassen utanfor 
• Lagt sand mellom steinhellene på deler av plassen
• Renska under hellene på parkeringsplassen
• Klipt til sypressen utanfor 
• Planta litt i ei gammal seksti-liters gryte
• Kjøpt og montert eit lite hagebord med to stolar til

PUH! Ganske effektivt vil eg sei. Det er for det meste Thomas og Svigermor som har stått på, og eg har hjulpe til det litle eg greide. Har litt problemer med korsryggen om dagen, og det set ein dempar på det aller meste kan ein sei. Men eg har vore med og sett på, og det har eg gjort ganske bra om eg skal sei det sjølv.

Ei kjempeflott helg har det vore, og eg veit ikkje korleis eg skal få takka Svigermor nok for all den gode hjelpa ho har gitt oss, både inne og ute i hagen. Tusen takk!! <3

Sjå kor fine møblar! Dette var ei overrasking for meg idag, eg var ikkje med på Plantasjen igår kveld, og då dei kom tilbake var dei rektig så lure. Så idag fekk eg ikkje komme ut før dei var ferdig å montere. Nydeleg!

Den vakraste mannen i arbeid!

Hekken!

Hekken!

Gryta med blomar i og sand mellom hellene.

Berre sjå kor nydeleg det vart. Reint og flott.

Sypressen ferdigklippa.

Bedet ved parkeringsplassen. Fantastisk!!! (Me skal riktignok har litt meir bark oppi her, me gjekk tom)

Fikser på hellene som er lause og renskar mellom dei.

VINTERLIGUSTER

Hei. Det har allereie gått nokre dagar sidan sist, og det beklagar eg jo sjølvsagt. Som det aller fleste sikkert har fått med seg no, så er eg litt trøytt for tida, men det byrjar å bli litt betre no. Så snart skal bloggen blomstre igjen!

Denne helga har me besøk av verdas beste svigermor, og då er det sjeldan eit roleg augneblink i sikte. Igår etter jobb tok me turen ut på Plantasjen her på Laksevåg for å kikke på hekkar og etter å ha kikka vel og lenge vart me einige om at me skulle gå for Buksbom (den som luktar kattepiss for dei som ikkje hugsar det), ho i butikken skulle berre vise oss ein sort til, heilt på tampen. Og der kom ho ut med ein Vinterliguster, heilt perfekt, me trengte nesten ikkje å sei orda eingong, me berre visste at me alle var einige om at det var hekken vår.

Eg googla i full fart og fann ut at me trong omlag fem buskar per meter, me hadde sjølvsagt gløymd å måle desse beda før me køyrte, men me tippa dei va ein plass rundt 120 centimeter. Nedsiget kom då dei bare hadde ni buskar igjen, og me trong omlag 25. Me tok med oss dei ni og køyrte vidare ut til Drotningsvik, der hadde dei elleve og me var oppe i tjue, mangla framleis fem stykk. Etter dette fann me ut at me skulle køyra heim (nokon haldt på å tissa seg ut, les: meg). Me fekk målt opp beda om fann ut at dei var 160 centimeter, og plutseleg trong me enda fleire buskar. Me sendte Thomas ut i Åsane og heldigvis hadde dei resten der, PUH!

Idag har me brukt dagen på å plante og rydde utanfor her, og jammen vart det flott. Ein heilt ny hage, ein ny start for Nygjerdet 10. Eg har lært så mykje om hagestell idag, og når våren kjem skal eg jammen få ordna det til der ute ja. Forutanom å plante hekk har me idag fått luka mellom steinhellene som ligg utanfor her og lagt ny sand i. Røska vekk nokre små buskar som har vore på innsida av muren og luka i bedet utanfor her. Effektive har me vore!

Innimellom alt dette hadde me og besøk av mamma og pappa som var ein tur i Bergen idag, meget triveleg!

 Her kjem litt bilete, det har regna litt idag, så eg har ikkje fått tatt så mykje bilete, det kjem meir imorgon.

Tenkar og plannlegg.

Ferdig planta, no er det berre å vente på at den skal vokse seg større :)

Thomas LITT lei når eg masar om bilete på slutten av arbeidsdagen :P

Og, for dei som ikkje hugsar det. SLIK SÅG DET UT FØR!

HAGEARBEID OG ANNA ARBEID

En nyt den siste veka med ferie, skikkeleg herleg og eg er ikkje i det heile tatt klar for å byrje å jobbe igjen allereie på mandag. Men eg har veldig mykje kjekt og spanande å sjå fram mot og, det skal vera visst. Neste helg får me besøk fra sør, i september skal me til Kypros og ja, tida flyr.

Idag var eg inne i byen ein liten tur, det er studiestart denne veka og då er det litt opplegg med korpset. Sjølv om eg ikkje skulle vera med på standen i år, så ville eg jo gjerne ta ein tur bort for å kikke, det er liksom blitt ein liten vane å vera med på det, så hadde eg jo fri og. 

Eg må innrømme at eg ligg litt etter på denne lista mi over ting eg skulle gjere denne veka, men eg har heldigvis nokre dagar att så eg vonar eg skal få gjort litt av det iallfall. Eg er litt sløv om dagen, og prøver å slappe litt av og før kvardagen hentar meg inn igjen. Men litt får eg jo gjort då, og det er betre enn ingenting. Og i hekken går det verkeleg unna, idag kom det litt lesestoff om korleis velje og plante hekk i posten til oss. Det var ein blogglesar som ville komme med litt tips, og det sett me jammen pris på, for me veit ikkje heilt kva me held på med...ehe...

Det me har funne ut er at me helst ikkje vil ha Tuja, den er litt keisam tykkjer me. Men så fann me ein hekk som heiter Buksbom (trur eg) og den var akkurat sånn me var på jakt etter. Etter å ha lest litt om den fann me diverre ut at heile planten er giftig og at den lukter kattepiss, så då vart me litt i tvil der og. Nokon som har tips? Det einaste kriteriet me har er at den skal vera heilårsgrønn og helst heilt samanhengande. 

Ein kar som satte meg heilt ut under dagens hageøkt. 

Men eg prøvde å late som han ikkje var der, så gjekk det tåeleg greit likevel :)

HEKKEN

Då var dagen endeleg komen, dagen der hekken vår skulle bort. Me stod opp, åt litt frukost og gjekk ut for å sjå an prosjektet.

Thomas gjorde klar motorsaga si og satte igong, medan eg gjekk bort i hagen med greinene etterkvart som dei kom ned. Tungt arbeid å jobbe i hagen, men det var så godt å komme igong der ute.

Plutseleg var heile hekken saga ned, og det som gjenstod var å fjerne røttene, noko som viste seg å vera tungt, veldig tungt. Me greide å rive opp røttene i ein av fire deler der ute, men då var me så slitne at me gav oss for dagen. Me får heller arbeide litt med det på ettermiddagane i veka som kjem.

Thomas gjer klar motorsaga. 

MAN VS. HEDGE

Eg bidrar med det eg kan, kostar!

I full gong. Kosar seg! :)

Litt usikker på korleis han skal angripe utfordringa...

Men han fann utav det tilslutt :)

Det vakre huset vårt <3  

Første del klar til planting!!! :D

RYDDEDAG

Idag har me hatt ryddedag her i Nygjerdet. Eg har hatt ståande nokre bokhyller nede i stua som eg lenge har hatt lyst å flytte opp i andre etasje. No når me har bestemt oss for å vente litt med å pusse opp der såg eg ingen grunn til å vente lenger, så idag satte me igong.

Det blei nokre turar opp og ned trappene ja, men så herleg og endeleg få det gjort. Igår var me jo som sagt på IKEA, og endte sjølvsagt opp med eit par småting til oss sjølve og, deriblant eit nytt golvteppe til spisestua. Så no er den og komplett.

Det er framleis litt smårydding igjen her nede, men det får vente til imorgon. No skal eg nemleg snart inn til byen å ha sushinight med ei venninne, gler meg.

Imorgon er dagen der hekken ryk i det, følg med!

Beige, beige, beige :) 

Det er ikkje kvar dag det er så nydeleg ver i Bergen, så veljer me å bruke dagen INNE, me er galne! 

Her har hyllene kome på plass, endeleg :)

FERIE

Hei igjen. No har det vore stille frå meg ei stund, eg har vore på ferie så det har ikkje vore så enkelt å setta seg ned for å blogga. Men no er eg tilbake i Bergen, og det kjennes godt, og heldigvis varar ferien min ei heil veke til.

Så langt har me vore ei veke på sørlandet, det var heilt fantastisk og eg lengtar tilbake allereie, me var ikkje så heldige med veret i år som me var ifjor, men me kosa oss glugg likevel :) På vegen opp mot Bergen hoppa eg av heime hos mamma, medan Thomas måtte heim sidan han skulle tilbake på jobb. (Me er ikkje veldig flinke til å time feriane nei).

På onsdag var eg på plass her i Bergen igjen, me hadde ein viktig avtale på torsdag (igår) så det måtte eg rekke. I tillegg så har eg jo ein million prosjekt på gong her i huset no når eg har litt ekstra tid.

• Vaske ned kjøkkenet
• Vaske ned badet
• Vaske på loftet
• Rydde og ordne i alt som enda ikkje er organisert
• Så var det den hekken og... 

Igår starta eg prosjekt nr ein, vaske ned kjøkken. Idag derimot, har det ikkje skjedd stort, hehe. No er eg straks på veg ut for å møte Thomas med jobben hans før me skal hente bilen som er på verkstad, deretter skal me køyre jentene i kjellaren til IKEA :) 

Me snakkes meir seinare, eller imorgon.

Eg har skura alle frontane på kjøkkenet, samt inne i nokre av skapa. Det har eg tenkt på så lenge, og det var herleg å endeleg få det gjort. 

Eg fekk med meg heim eindel greier fra Stord, så dette må sorterast og stuast vekk.

Det tek jo litt tid, for det er så mange artige minner. Dette er meg i barnehagen, ca 5 år, trur eg :)