KARNEVAL

Her er ein gut som var klar for Karneval i barnehagen idag. Han var utkledd som Jake i Drømmeland, som er ein karakter fra Disney Channel. Ein veldig fornøgd sjørøver som hadde ein fantastisk dag!

AKSEL 2 ÅR!

Den niande februar vart Aksel to heile år. Tenk at tida har gått så fort? No er han blitt så stor gut, han snakkar som berre det og ofte kjem det heile setningar. Dei fleste setningane er på tre ord, men innimellom greier han å sette saman både seks og sju ord i ein setning og.

Bursdagen hans var på ein mandag denne gongen, så laurdagen før feira me han med litt familie og vener her heime. Ein meget fornøgd bursdagsgut som fekk både kaker, fine gåver og kjekke vener å leika med. Ei veldig vellukka feiring med andre ord.

 Aksel fekk så mykje flotte gåver, for det meste Brio togbane, litt duplo, puslespel, film og kler. Heldige guten.

No går me igrunn berre heime og venter på "lillebror", me er spente alle tre, og plutseleg så er han her <3

SNØ OG VINTERLEIK

Endeleg har me fått testa ut akebrettet som Aksel fekk forrige vinter. Snøen har lagt seg her i Bergen, og det kan sjå ut som den blir liggande ei stund. Me heiv på oss gode og varme klede etter frukost på laurdag og kjørte opp i barnehagen som Aksel går i. Barnehagen hans ligg nemlig litt høgare oppe i landet og snøen er litt betre å leike i der oppe. Ein gut som verkeleg fekk smaken på snøleik, han og pappaen kjørte om igjen og om igjen ned bakken og smilet gjekk nesten rundt på dei begge. Igår var me nødt til gjenta suksessen, ein litt kort tur på formiddagen, vinden var litt kald igår. Og på ettermiddagen gjekk me ner på Jansonmarken rett nedanfor her og den akebakken var bare fantastisk. Så lang, og guttaboys suste ned heile fem gonger på rad. Han minste kunne nok rent ner minst fem gonger til, men det blir tungt for han far som må dra akebrettet med gutten på opp igjen. Idag er det ei veke til Aksel blir 2 år, og me skal ha selskap på laurdag.